Popular Bible Verses from 1 Kurinthiyoṅ 12

Share

Ham meṅ se har ek meṅ Rūhul-quds kā izhār kisī nemat se hotā hai. Yih nemateṅ is lie dī jātī haiṅ tāki ham ek dūsre kī madad kareṅ.

Āp sab mil kar Masīh kā badan haiṅ aur infirādī taur par us ke muḳhtalif āzā.

Agar ek azu dukh meṅ ho to us ke sāth dīgar tamām āzā bhī dukh mahsūs karte haiṅ. Agar ek azu sarfarāz ho jāe to us ke sāth bāqī tamām āzā bhī masrūr hote haiṅ.

Ek ko Rūhul-quds hikmat kā kalām atā kartā hai, dūsre ko wuhī Rūh ilm-o-irfān kā kalām. Tīsre ko wuhī Rūh puḳhtā īmān detā hai aur chauthe ko wuhī ek Rūh shafā dene kī nemateṅ. Wuh ek ko mojize karne kī tāqat detā hai, dūsre ko nabuwwat karne kī salāhiyat aur tīsre ko muḳhtalif rūhoṅ meṅ imtiyāz karne kī nemat. Ek ko us se ġhairzabāneṅ bolne kī nemat miltī hai aur dūsre ko in kā tarjumā karne kī.

Wuhī ek Rūh yih tamām nemateṅ taqsīm kartā hai. Aur wuhī faislā kartā hai ki kis ko kyā nemat milnī hai.

tāki jism ke āzā meṅ tafriqā na ho balki wuh ek dūsre kī fikr kareṅ.

Go tarah tarah kī nemateṅ hotī haiṅ, lekin Rūh ek hī hai. Tarah tarah kī ḳhidmateṅ hotī haiṅ, lekin Ḳhudāwand ek hī hai. Allāh apnī qudrat kā izhār muḳhtalif andāz se kartā hai, lekin Ḳhudā ek hī hai jo sab meṅ har tarah kā kām kartā hai.

Aur Allāh ne apnī jamāt meṅ pahle rasūl, dūsre nabī aur tīsre ustād muqarrar kie haiṅ. Phir us ne aise log bhī muqarrar kie haiṅ jo mojize karte, shafā dete, dūsroṅ kī madad karte, intazām chalāte aur muḳhtalif qism kī ġhairzabāneṅ bolte haiṅ.

Badan ke bahut-se hisse hote haiṅ, na sirf ek.

Balki agar dekhā jāe to aksar aisā hotā hai ki jism ke jo āzā zyādā kamzor lagte haiṅ un kī zyādā zarūrat hotī hai.

Agar pūrā jism āṅkh hī hotā to phir sunane kī salāhiyat kahāṅ hotī? Agar sārā badan kān hī hotā to phir sūṅghne kā kyā bantā? Lekin Allāh ne jism ke muḳhtalif āzā banā kar har ek ko wahāṅ lagāyā jahāṅ wuh chāhtā thā. Agar ek hī azu pūrā jism hotā to phir yih kis qism kā jism hotā?