Popular Bible Verses from Галадуудта 2

Share

Хуули үхэлһөө ондоо юумэ намда үгэжэ шадахагүй хадаа ажамидаралдамни ямаршье удхагүй юм. Тиимэһээ би Бурханай түлөө амидарнаб. Мүнөө би өөрөө амидарна бэшэб, харин Христос зосоомни амидарна. Намда хайра дуратай байжа, минии түлөө өөрыгөө үргэһэн Бурханай Хүбүүндэ һүзэглэн этигэдэг дээрэһээ би мүнөө амиды ябанаб. Би Христостой хамта хэрээһэндэ хадуулааб.

Бурханай үршөөл хайраһаа би арсанагүйб. Хэрбээ гансал Хуули сахижа аршалагдаха аргатай байбал, Христос дэмы наһа бараһан болоно гээшэ.

Бидэшье түрэхэһөө еврейнүүд гээшэбди. Нүгэлтэ бусад арад бэшэ ха юмбибди. Теэд нэгэшье хүн Хуули сахижа өөрыгөө хамгаалхагүй, харин Иисус Христосто этигэжэ абарагдаха юм гэжэ бидэ мэдэнэбди. Хуули сахижа «нэгэшье хүн абарагдахагүй» байһан дээрэһээ бидэ Хуули сахяад бэшэ, харин Иисус Христосто найдан абарагдахабди гэжэ Иисус Христосто этигээбди.