Popular Bible Verses from Коринфынхидтэ 2-дохи 4

Share

Харагдадаг юумэнүүд саг лэ зуура оршодог, харин харагдадаггүй юумэнүүд хэтын хэтэдэ оршодог. Тиимэһээл бидэ харагдадаг юумэнүүдтэ хандуулха бэшэ, харин харагдадаггүй юумэнүүдтэ анхаралаа хандуулнабди.

Иимэһээл бидэ хэзээшье урмаа хухардаггүйбди. Махабад бэеымнай һүнэжэ байбашье һаа, бидэ досоогоо үдэрһөө үдэртэ шэнэлэн бэхижэнэбди. Тиимэ ойро зуурын бэрхэшээл зоболонгууд маанадта угаа ехэ мүнхын алдар асардаг.

Бидэ оло дахин хашуулан зобонобди, гэхэтэй сасуу дарагдаагүй байнабди. Юу хэхэеэ мэдэхэеэшье болёод байхадаа бидэнэр урмаа хухардаггүйбди. Олон дайсадтайшье байгаа һаа, бидэ нүхэдгүй үлэдэггүйбди. Даруулһаншье байгаа һаа, бидэ үхэжэ хосордоггүйбди.

Бидэ энэ баялиг хадагалһан шабар домбонуудта адли хүмди. Тиимэһээ бодото һүр хүсэн маанадһаа бэшэ, харин Бурханһаа эхи абадаг.

Һүзэглэдэггүй зоной ухаан бодолыень энэ дэлхэйе захиржа байһан нүгэлтэ бурхан харанхы мунхагаар хушаа, тиимэһээ тэдэ балар һохор зон Бурханай дүрэнь болохо Христосой алдар тухай һайн мэдээсэлһээ сасарһан гэрэл туяае хараха аргагүй байгаа.

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай зүрхэ сэдьхэлдэ гэрэлтэжэ, Христосто оршожо байһан Бурханай алдарай мэдээгээр бидэниие гэгээрүүлээ юм.