Popular Bible Verses from Коринфынхидтэ 1-дэхи 15

Share

Тиимэһээ, инаг хайрата аха дүүнэрни, Дээдын Эзэнэй түлөө хэһэн ямаршье ажалтнай дэмы бэшэ гэжэ мэдэн, Дээдын Эзэнэй ажалда өөһэдыгөө бүрин зорюулагты, нугаршагүй, бата хатуу байгты.

Харин манай Дээдын Эзэн Иисус Христосой ашаар маанадта илалта хайрлаһан Бурханда баяр баясхалан хүргэел!

Таанад бү эндүүржэ ябагты. «Муу ханинар һайн сэдьхэлтэй хүниие доройтуулдаг».

Гэхэтэй сасуу би Бурханай үршөөл хайраар мүнөөнэй байдалтай байнаб, тиин тэрэ үршөөл хайрань дэмы үнгэрөөгүй. Би өөрынгөө хүсэ шадалаар бэшэ, харин досоомни ажаллажа байһан Бурханай үршөөл хайраар бусад элшэнэрһээ үлүү ехэ хүдэлжэ байгааб.

«Ай, Үхэл, илалташни хаанаб? Ай, Үхэл, хадхууршни хаанаб?» Үхэлэй хадхуурай хорон нүгэл шэбэл соо юм, нүгэл шэбэлэй хүсэн Хуули соо юм.

Зай, би таанадта үнэн зүб нюуса нээнэб: бидэ булта үхэхэгүйбди, гэхэтэй сасуу бүреэгээ һүүлшынхиеэ дуугархада бидэ булта нюдэнэй сабшаха зуура гэнтэ хубилгагдахабди. Бүреэгээ дуугархада үхэһэн хүнүүд хэтын хэтэдэ үхэхэгүйгөөр амидыруулагдаха, тиин бидэшье хубилгагдахабди.

Нэгэ хүнөөр дамжан үхэл тудаба, тон тиигэжэл нэгэ хүнөөр дамжан үхэлһөө амидыралга тудаха. Хүнүүд булта Адамтай холбоотой байһан дээрэһээ яажа үхэдэг бэ, тон тиигэжэл булта Христостой холбоотой байһан дээрэһээ амидыруулагдаха.

Тиигэжэ үмхирэн хосордог юумэн үмхирдэггүй мүнхэ юумэн боложо хубилха ёһотой, үхэлэй юумэн үхэдэггүй юумэн боложо хубилха ёһотой.

Христос бүхы дайсадаа ула дороо оруултараа захирха. Һүүлшынь дайсан болохо үхэл усадхагдаха.