Popular Bible Verses from ROMMITE 8

Share

Tualeh Pasian itte, aman aseh bang a asapte dingin, sil jousiahin ahoihna ding un a semkhawm chiat hi chih ithei uhi.

Ajiak sihna hiam hinna hiam, vantungmite ahiam, lalnate a hiam sil bawltheihnate ahiam, sil hung om dingte ahiam, sanna hiam, thukna hiam, ahihkeileh silsiam dang mawng mawng in zong I Toupa Jesu Krist a om Pasian itna a kipan ahung khenthei kei ding chih chiantak in ka thei hi.

Tuachimah bangin kha in ihatlouh nate apanpih jel hi, ajiak bangchi bang a thum ding ihi ua chih ithei kei ua, hinanleh kha in mauna gen-guallouh in ahung ngetsak hi.

Ahihleh hihthute ah bang igen tadiai le? Pasian eilam a apan leh kuan ahia hung douthei ding?

Tuajiakin, tuin Krist Jesu a om, taksa dan a omlou a kha dan a omjawte dingin siamlouh tansakna mawng mawng a om takei hi.

Ajiak, taksa lam lunggulh pen sihna ahi a, hinanleh khalam lunggulh pen hinna leh khamuanna ahi.

Khen baih lou ding, hihte tengteng ah ahung ittu jiakin gualtung tuangte sang a tungtuangjaw ihi uhi!

Ajiak tulai a thuakgimnate pen denchiang a itung a thupina suklat a om ding tawh tehpih tham in ka ngaikei hi.

Krist itna a kipan kuan ahia hung khen ding? Gimthuakna in maw, lungkhamna in maw, gawtna in ahia, kial in ahia, guaktang in ahia, lauhhuaina in ahia, namsau in ahia hung khen ding?

Tualeh Pasian deihlam bang a misiangthoute ding a angetsak jiakin amah lungtang entu in kha deihlam bang ahia chih athei hi.

Ajiak Pasian kha pui a om jousiahte pen Pasian Tate ahi uhi.

Ajiak, taksa dan a omten taksa lam silte a lunggulh ua, hinanleh kha dan a omten khalam silte a lunggulh uhi.

Ama Tapa ngei zong khawilou a, i un ua hung piapa in bangding in sil jousiah athawn in amah tawh hung piakhawm lou ding ahia?

Pasian kha mahmah in eimah kha tawh Pasian tate ihi chih ahung theisak hi. Tualeh tate ihihleh gouluahtute ihi uh, akiang a pahtawi a i omtheihna ding a amah ithuakpih taktak leh Pasian gouluahtute Krist luahpihtute ihi uhi.

Sa lam lunggulh pen Pasian tawh kidouna ahihjiak in, huapen Pasian dan nuai ah a om kei a, omzong a om theilou mawng ahi.

Silsiam jousiah in kinem mahmah in Pasian tate kilakna ding a ngaklah mahmah uhi.

Ajiak silsiam jousiah tutan dongin mau leh nauveina thuak in a om uh chih ithei uhi.