Popular Bible Verses from ROMMITE 6

Share

Ajiak pen khialhna man sihna ahi a, hinanleh Pasian silthawnpiak pen I Toupa Jesu Krist jiakin tangtawn a hinna ahi.

Ajiak khialhna in natung uah thu aneinawn kei ding hi, ajiak, dan nuaia om na hikei ua, hehpihna nuai a om na hi uhi.

Tuajiakin a Pa thupina in misi lak a kipan Krist akaihthoh bang a eite zong hinna thak a ihintheihna dingin asihna ah baptisma in amah tawh vuiin i om uhi.

Na pumpi hiangte uh zong diktatlouhna vanzak dingin khialhna kiangah piaphal kei un, ahihhang in misi lak a kipan a hingkik bangin Pasian kiangah kipia unla, na pumpi hiangte uh zong diktatna vanzak dingin Pasian kiangah piaphaljaw un.

Hih ithei uhi, khialhna pumpi hih mangthang a a omtheihna dingin, tu a kipat a khialhna sila a i om nawnlouhna dingin i mihing lui uh amah tawh kilhden in a omta hi, chih.

Tuachimah bangin nou zong khialhna lam thu ah sisa in kingai unla, hinanleh Pasian lam thu ah I Toupa Jesu Krist jiakin hing in kingai un.

Ahihleh bang igen tading ua le? Hehpihna a khansemna dingin khialhna ah i omjing ding uh adiam? Omjing lou e! Eite khialhna lam a sisate bang chi`n khialhna lam ah ihing thei nalai lai diai?

Sihna ding a khialhna sila hi in, diktatna ding a thumanna sila hitaleh, kuakiang peuh ah zong thumang ding a sila a nakipiak nak uleh athu namanpa uh sila na hi uh chih theilou na hi uh maw?

Hinanleh Pasian kiangah kipahthu tung hen! Khialhna sila ana himahle uchin zong, nou hung kipia thugin pen lungtang taktak in na juita uhi. Tualeh khialhna a kipan suahtaksak a om in, diktatna silate nung hita uhi.