Popular Bible Verses from Potdohbu 23

Share

Chule nanghon Pakai na Pathen'u chu najendiu; aman nachanglhah le natwi phatthei abohding; chule nalah-a kona natna kalahmang ding ahi. Nagam sunga koimacha ajula leh achinga umloulou ding; keiman nahin nikho hou chu kasuh bulhing peh ding ahi.

Ven, lampia naching dingle keiman kagotpehna munna napuilut dingin namasanga vantil khat kasole.

Ahin nangman ama thu nangai tahbeh-a, kasei jousehi nabola ahile; namelmaho dinga melma kahiding, nadouho dinga akidoupiu kahiding ahi.

Thilse bolna dinga mipi chu najui louding; chuleh mipi chun thudih tah chu adihlou sosahna ding agot naova jongchu thu nasei louding ahi. Ahiloule mivaicha jong achungthu kitan na-a langneina namusah ding ahipoi.

Nangman jouthu nalhut louding ahi: chonphalou hettohsah hidinga migilouho toh naki khutjop louding ahi.