Popular Bible Verses from ROMMI 4

Share

Pulukupsa kiunomu li pelo Alhou no piqhipuakeu lono iqeve pemoe. Ikemu pano akishe Alhou tsukehu pa kupulu mutotoi thuwuve. Alhou ye pano kiu piqhive akeno shive nani kepi Abraham no kuchouno mtsuqhei shi.

Kuchoyesulo pikeu hutoi, “Ino opelo ashiayeh kutomo papuh shiveapeke.” Ikehu Abraham no puluchekeu Lhou zuloye piqhipuakeu huye tishini putsae. Alhou hipauye kithimi puxuve cheni eno kiumu kuha namu pano piaye aghive cheni.

Ningu xineqo ghenguno pa pithivepe eno Alhou lau ningu achipikaluve keulo qhiniaye pa xuputhuveke.

Lakujupu kuhamitheve mu Abraham ye puluqhiyi eno lajuqhiyi ache, eno tishi keu lono paye ashiayeh qo papuh shikulupu shi pa vilo pipuakeu toi: “Olaghano hijejehi shinani.”

Highenguno Alhou no piqhipuakeu huye akupulu shou bepe anie, hipa ghola lono piqhipuakeu huye Alhou wu kupukini shikeu shou bepeniyeke eno pa laghami kumtsu lau mutsuqhei tishini putsa ipi niyeke. Tiye Ayezah papelukemiqo likhi kumono Abraham toi pulukemiqo lau ghike. Kughengu Abraham ye akupulu lalo ningu kumtsu papuhke.

“Alhou no khunoqo hekupusa pevetsuni keno, khunoqo xine jonhavetsuni keno tipanoqo kumghae! Ampeu no khunoqo xine kihikulatsumoni keno timi tipano kumghae!”

Kughengu kuchoyesulo pikeuno, “Abraham no Alhou pulu, eno pa kupulu ghenguno paye achipiu kepi Alhou no kihie.”