Popular Bible Verses from MATHI 6

Share

Ikemu Alhou yehkipe eno pa chipiu mikucho paghi nonguno phulo, tishiaye hipaqo kutau kumtsu nongu kupha tsu nani.

Tighenguno thoghiu vehu pesu omlo kutakihi pekevilo, kughengu thoghiuno thoghiu tsala ghenguno amlo kutakihi kepu ananike. Atsala atsalalo kutakihi kepu akeuno tipa tsala ghenguno lukumkhake.”

“Highenguno ino nongu vilo pini, xuanike ghenguno kiu chuni shonikela momu aphi-mpi ghenguno kiu pepuni kelapi nongu mlo kutakihi kevilo. Akuxuye achuqupu nguno akhotouke kumokesha? Momu aphi-mpiye aphimini nguno akhotouke kumo kesha?

Ikemu kughou nono inikhu nikeno, ochebolo ilolo eno aki khavelo eno oPuh ithumlano akeu vilo inikhulo, nono kusuuno kiu shi anikeno ithulu akeu oPuhno asaxu otsu nani.

Tishiaye hitoi inikhulo; O niPuh kungughalo kuau, Oje akimtheshi pelu pelo, Oyehkipe ighilo, Kungughalo toi ayeghilo ghi opulou shilu pelo.

Tsalakipe chuqupu ishi tsalalo ningu tsulo

Kutamino nilau akipimi shikeu ninguno pevetsuke toi, ninguno oshou akipimi shikeu pevetsulo.

Ghukujulo ningu sailotsu kevilo, ikemu Alhoksau launo nixaphetsulo.

“Kughengu nonguno timi kutamino nongu shou pimivekeu pevetsu aye nongu paPuh kungughalo akeu ghi nonguno pimivekeu pevetsu nani.

Aghauqono yeiqho-iqi akeu julo, panoqoye apiti yisu chemo momu ghile huchemoe momu alelo pukishe suwo qhichemoe, ikeghi nongu paPuh kungughalo akeuno panoqo loji acheni| Nonguye aghauqo nguno shishe amekushou ke kumo kesha?

“Ayeghi hipaulo apila ngo ayisano tsapuhavetsu eno kupkamino hepho-piniyi ilo pukapewuve keu-alo nongu likhi nongu sala akini pekutsu kevilo. Ikemu kungughalo nongu kini pekikelo, kughengu tileye apila ngo ayisano tsapuhave mlae eno kupkamino hephopiniyi ilo pukapuwuve mlae. Kughengu nongu kini khile pekutsupe puani keno nongu mlo ghi pulhapuju tile anani.

“Timi khumu ampiu kini quaxemi shimlae, kughengu paye lakhiye mithive puzu lakhiu kimiye nani; lakhi qhoqhu puzu lakhiu phimo nanie. Nongu ghi titoi Alhou ngo kuakini kuma kinikujo quaxeuye shimlae.

Alupi ishiye xuano thoghiuye nhupe pitiveni keghi Alhou no tipaqo ajukivi pesu pu-upe qhiaye, tinguno shishe alaushi paye nongu pu- umoni kesha? O nongu akupulu kitila likhi akemiqo!’

Ikemu kughou timi lakhino kiuala avehupu shi aghikelo nono tsuaye akusami kuchou pelomu tipau ithi pekevilo; ikemu tiye tuqhou vehu shilo eno oPuh tuqhouno ithulu akeuno asaxu otsu nani.

“Timi pelo ithulupe niye nowu achineyehlo shichekeu kikimiye kumla timi zulo shipe piye kevilo. Kughengu nonguno tishiaye nongu paPuh kungughalo akeu launo nongu jume kuhave nani.

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae. Kughou nonguno kumvuni keno, akutsulo teli suve, agi phave ishilo, tishianguno kutami pelo nono kumvu akeu ithipemo nike, ikemu nongu paPuh ye kutamino ithumlano akeu hu ithi anie. Nongu paPuh kutamino ithumlakeu ithuluakeu huno asaxu otsu nani.”