Popular Bible Verses from KORINTHTE I 12

Share

Hizongleh phattuampih chiatna diingin Hagau kilatna chu michin kawmah piah ahi.

Tuin nanguh chu Khrist sapum na hi va, a mimalmal in a hiangte na hi uhi.

Huleh hiang khat in a thuaah in zong hiang zousiah in a thuaahpih jel a; huleh hiang khat paahtawi a, a um leh hiang dang zousiah in a kipaahpih jel uhi.

Ajiahchu mi khat kawmah Hagau in pilna thu piah ahi a; midang kawmah hu Hagau mahin heetna thu piah ahi; Midang kawmah hu Hagau mahin ginna piah ahi a; midang kawmah hu Hagau mahin suhdamtheihna silpiahte piah ahi; Midang kawmah silmah bawltheihnate piah ahi a; midang kawmah thusoitheihna piah ahi; midang kawmah hagaute heetkhentheihna piah ahi a; midang kawmah haam tuamtuam a thusoitheihna piah ahi; midang kawmah haam tuamtuam lehdohtheihna piah ahi

Hizongleh hute zousiah chu Hagau khat mahin mi chin kawma a deih bangjel a hawm chiat in a tong hi.

Huchia sapum a kikhenna a um louh a; hizongleh hiangte chu khat leh khat a kingaihsah chiat theih zawhna diingun.

Huchi'n silpiah tuamtuam a um a, hizongleh Hagau khat ahi. Huleh thunatohna tuamtuam a um a, hizongleh Lalpa khat ahi. Huleh natohdan tuamtuam a um a, hizongleh bangkim a bangkim bawltu Pathian khat ahi.

Huleh Pathian in khenkhat kouhtuam ah ahung koih a, a masapenin sawllehte, a nihna ah zawlneite, a thum na ah thuhilhtute, hubanah silmah bawltute, huzohin suhdamtheihna silpiahte, panpihtheihnate, vaihawmsiamnate, haam tuamtuam a haamtheihnate.

Sapum chu hiang khat chauh ahi sih a, hiang tampi ahi zaw hi.

Chi thei lou, chihtaah sangin sapum hiang haat lou a kilangte a mamoh zaw mahmah hi.

Sapum chu a pumpiin mit hitaleh, khojahna khoiah a umta diai? A pumpi in khojahna hitaleh gimnam heetna khoiah a umta diai? Hizongleh Pathian in hiang chinteng chu pha a sah bangin sapum ah a koih hi. Huleh a bawnun hiang khat chauh hitaleh uh, sapum khoiah a umta diai?