Popular Bible Verses from ROMMEI 5

Share

Tiki aniu paapcmei sw bam khou, Khrista aniu khang theiclouna, Ravguangc kamei aniu ta adih nzian cho twmei lyanlou the!

Mi rigwnmei hei rui aniu ta tichangamclou ni tu hamh e, kalam thu aniu khou tiiloumei Bumaengh Nthanmei paan rui Ravguangc rui karam zian aniu lung khou bun keylou the.

Mi na hamh e, aniu ryanramei ariwmei khang tei neihla bam e, kalam thu ryanramei rui khaengvthaymei tiguang e; khaengvthaymei rui Ravguangc rui laalou nuhmei kheiliak tiguang e; kumna Ravguangc rui laalou nuhmei kheiliak rui rigwnmei tiguang e.

Lwmpui paan rui aniu ta ti-nzihlouna Poubauhmei Jisu Khrista paan rui Ravguangc lev aniu kak khou chuzaenghmei nai dat the. Khrista rui aniu ta ntaw aniu laatowna bammei Ravguangc zauzian khou, lwmpui paan rui phungc guanglou the. Kumna Ravguangc tuang hymdaihmei tei aniu ni lay laa punimei khang tei lwmgayna neihla bam e.

Kalam thu aniu ramh swthuy lakna bam khou, kaganv tangc pwkhou, meicsimei aniu khang, Khrista theiclou the.

Kazei paan rui aniu ta ravchaptatmei swna chaklou the, kum thena kapaan rui aniu ta Ravguangc lungpuam khou rui kanlou rap puni di the.

Adam latliampui zaeng rui meic peyna ta paapcmei tiswloumei kumcna, Khrista latpiupui paan rui meic peyna ta ravchaptatmei tiswlou puni.

Mi na hei hamh e, ntaw aniu ta Ravguangc khou zay kariulou datmei Poubauhmei Jisu Khrista paan rui aniu Ravguangc khou neihla bam e.