Popular Bible Verses from ROMMEI 12

Share

Nangniw mi mbaanv tuang thiak lay nzeic riu; tiki nangniw lungning kathanc khou kalaic patna, nangniw panty lwnlung tikalaic o. Kum pwkhou tabui tei Ravguangc rui ningmei cho twmei thu, tabui tei gaymei khatni kamei rui kahawmei khatni nthuihmei cho twmei nangniw thay puni.

Hei zaeng rui, chanathiu, Ravguangc rui aniu ta heizu nzianloumei tei zaucna, ai rui nangniw khou ranvna zaenghuay e: nangniw pumc hei Ravguangc khang reicpatloumei khatni kata tipianloumei nringh ravcha swna khaenglou o. Mi hei kumcna nangniw Ravguangc ta kalum nipui thouc e.

Rigwnmei khou tei neihlana bam o; ryanramei ganv khou khaengv thay o, khatni taek makna huayney bam o.

Simei rui ngam riu; simei ta gaymei rui ngam o.

Nangniw khat khat ta chana pwna swna nzian diangcna nzian o; khat khat ta chakhwang sw o.

Khat khat ta nzian changhna nzian nina e. Simei ta karaeng o; gaymei ta sin ntipna sin o.

Nangniw biak thangc rui nuhmei kamv, meic guayna chuzaenghna lungh khang sw o.

Nzianmeithiu, tabui nungc na sini khwm khangh riu; hei tei Ravguangc khang ganclou tio. “Khwm khanghmei thu atuang e, twna Poubauhmei rui sa e,” twna hylouna nai e.

Aliauh makna taanc o; lungh gutna Poubauhmei siamruai sw o.

Ravguangc rui akhou tiiloumei kazauzian kaipat paan rui, ai rui nangniw meic kathuicna khou sa tuang e: Nangniw rana nangniw ta ning kauh langvna ning riu. Nangniw kakhanh chuyna kakhanh o, kumna Ravguangc rui nangniw khou tiiloumei lwmmei chuath thei tei layna nangniw rana nangniw ta latzan sw o.

Meic gaanv khat na khou sini simei khang simei khangh riu. Meic guayna mikzaw khou gaymei tei taanc o.

Nangniw khat khat khang kadan thay o. Daihlwn sw riu; lungcsimei nunc pam sw o. Nang rana nang ta ningtyngmei the twna ramhsuath sw riu.

“Nang ta zauczihmei ndaapc bam e thei, titulou tio; kamei tari bam e thei, tizangvlou tio; mi hei nang rui kapy khou maithyn haenghmei khuaicloupui riath re,” twna sa e.

Nangniw ta rairiumei nunc khang suaihiamlou o; sianglou riu. Neihlamei nunc lev neihla nchamc o, kapmei nunc lev kap nchamc o.

Lwmmei chana punav pang khou naimei, maekmei sak zakna lungc o. Ginkic phaypamcna lungc o.

Meic gaanv khat pumc khou nanw mpeyna nai e, kumna nanw kathuic hei kathouc kathouc baic e. Hei tei kumcna, aniu meic mpeyna hei Khrista khou pumh akhat sw the, kumna pumh akhat tuang nanw pang swna aniw meic guayna akhat na swna kariu bam tuang e.