Kum e tiki RINGHPOUC rui meic chu zat thay zat makmei tuang ramh akhat taanclouna, kandih nkakc patna kaniw ta khatni kaniw tuang kaguayna ta nringh taruaih thangc tikey kan e thei, mi nunc hei rui RINGHPOUC ta thouh sw makna sw tina the twmei nangniw thay puni the.”
Mousi rui sa tang rap twpui lev Dathan khatni Abiram bammei bamv tei nkakc pat the. Kumna kaney ta tei kaney kai kaikhwangmei guay lev kazauhna aluakc kan the. Kora thei laymei guay ta ni kaniw tuang puat lev kazauhna aluakc kan the.