Popular Bible Verses from SINGCHAKH 14

Share

RINGHPOUC lat liam riu, khatni mi khou lungc bammei nunc ta tei ping riu. Aniu rui chalahna kaniw ta ngam puni de. RINGHPOUC rui aniu ta nduanghlou bam e khatni kaniw ta gaek bammei rav guay ta tei kamei rui ngamlou kan the; kumna ping dat ri tho.”

‘RINGHPOUC thu kalung saengc e, nzianmei rui padik ge khatni paap lev latliammei ta kuaklou e. Tiki nkhuaipui mei ta kamei rui dandi tii makna mpatlou mak ge; kamei rui katou kanac nunc ta kapu kapouc paap khang rui meickin kathumh padeih nganvna dandi tii e.’

RINGHPOUC rui aniu ta pianlou e thei thu, kamei rui aniu ta mi bamv khou tei nduangh louna mi guaihnoudui khatni nkhuaihdui rui dui swna luanghmei kandic tei aniu khang tii puni the.

Tiki abangc Kaleb na thu kalung baic the kumna kamei alat piu chuyna bam e, kumna kamei zauc kanmei kandic khou tei ai rui kata nduangh guanglou puni the, khatni kanac katou nunc rui mi kandic tei laana lungc puni.

Kaniw khou kumna sa ti tho: ‘Ai ringc bammei hei maanv makmei kumcna, nangniw rui ney bammei tei ai suai makna taanclou rap puni the. RINGHPOUC ai rui sa pat kan the.

RINGHPOUC rui Mousi khou sa the, “Asaanh tingsaengna meic nunc hei rui ata laalou makna bam nina cho? Charynmei taanv heidi ai rui kaniw pang khou taanclou bam tisini kaniw asaanh tingsaengna akhou lwmlou makna bam ni hehna cho?

Kaniw rui Mousi lev Aron khou nutna sa the, “Izip kandic khou hamh e thei mi tazikramv khou nganvna theiclou kanmei rui gay the!

Nun nac mpouh Joshua lev Jephunne nac mpouh Kaleb, gwanrum tatmei gaanv nei tei, lungh kabiuna kaney phey siatkaek lana, meic nunc khou tei sa the, “Aniw zauc tatmei kandic tei gay kanmei kandic di the.

Ai rui latdyng sw e twmei thu ai ringcna bammei khatni ai kandih kapwm khou bam lik sikh sik bammei maanv makmei kumcna, Mi mei nunc hei ai rui Izip khatni tazikramv khou charynmei taanclou kanmei tei how kan sini alat liamna ata luan ruh nchanv e. Hei zaeng rui kaniw pupouc khou nrianhloumei kandic khoutei kaniw gut zat ni tuang hamh the. Ata laalou makmei gaanv khat na sini mi khou tei gut ni tuang hamh the.