Popular Bible Verses from METTHIU 7

Share

“Ney o, tii puni; phu o, mphang puni; kaikhamv nchow o, laanclou puni.

Kalam thu, neymei kathuic laatow e, phumei kathuic phu tow e, kaikhamv nchowmei kathuic khang laanclou puni.

“Hei zaeng rui, alat guay hei chuna piupui mei tei ntauh ruc khou kakai swmei ningtyngpui mei tei kumhmei tuang e.

“Hei zaeng rui, nangniw khou swlou pw tu laa niimei tei nangniw rui meic nunc khou swlou tio. Riakdanv khatni muhzwng nunc tuang latdyn kiu mi hei the.

Tiki ringhmei khou zayloumei chaengmun tei nrum e, kachaeng ni nthyam e, kumna hei tei laatowmei meic rau e.

“Nangniw nrummei chaengmun khou gut ro. Kalam thu maanmei khou zaylou nimei chaengmun tei thu ha e, kachaeng ni daic e. Kumna mi khou tei gutmei meic geic e.

Kumna meicsimei nangniw sini nangniw nac nunc khang gaymei puat tii thay e thei, tingkauh thangc bammei nangniw Pu rui thu, mi khang suangc mbuna, kakhou neymei kathuic khang gaymei puat tii pu lak nah cho?

“Nangniw ta ni latzan sw mak khang, nangniw meickai ta latzan sw riu. Kalam thu nangniw rui meickai ta swmei latzan tei rui nangniw ta ni sw dat puni, khatni nangniw rui ndatmei dath tei rui nangniw ta ni ndat dat puni.

“Tiki alat guay hei chu lana piu makpui mei tei thu sypung ruc khou kakai swmei mpangpui mei tei kumhmei tuang e.

Tabui swna nangniw mik khou naimei thing dangv ta tei kakhanh makna nangniw chana mik khou naimei nrouc ta tei how bam tu cho? Nang mik khou thing dangv nai lana, nang chana khou ‘Nang mik khou nrouc naimei tei laa ganclou pumc e’ twna nang akumhna sa ngamna cho?

“Guatmei muczwng nunc khou rui ramhthay o; kaniw tei lauziu gic runna nangniw khou guang e, tiki kalungc khou thu nrammei angiw nunc e. Kaniw tuang thai khou rui nangniw rui kaniw ta thay puni. Sauh luai khou rui drakha thai nthai mak ge; raengtaw sauc bang khou rui Olive thai nthai mak ge.

Hei tei kumcna, karav gaymei bang rui kathai gaymei nthai e; karav simei bang rui kathai simei nthai e.

Karav gaymei thing bang rui kathai simei nthai mak ge; karav simei thing bang rui ni kathai gaymei nthai ngam mak ge.

Kathai gaymei nthai makmei thing bang guay ta tei gai bauna mai khou phaiclou e.