Popular Bible Verses from TATPATMEI 9

Share

Tiki angamv lyan khang, ai rui nangniw ta tiringclou bam tuang e. Mi hei azanc gaymei kandih kabamv kathuic khou zin lik pat khang e.

RINGHPOUC rui Mousi khou sa the, “Guangh khou tei tatna RINGHPOUC, Ibrimei Racguangc rui sa e twna kumna sa ti tho, ‘Ata kalum khang amei nunc ta titat tho.

Ai rui nang ta, khatni nang mei nunc ta, ravpyan rui sw kasic khang abaanc zay thau khwan e thei, nangniw ta swmutsutlou kan ni tuang di the.

nangniw tuang khouringc ruc khou takuanh, kuanniam, guaikuan, guaih, lauziu, khatni ziuh guay ruc khou si sihmei ravpyan tiguang puni. Ai rui Isaraelmei tuang khouringc lev Izipmei tuang khouringc khaklangc pat puni; kumna Isaraelmei tuang khouringc thu akhat na sini theic lak ge.

Izip khou lungc thau rap khou rui pat zat makmei tanhmei nrihthai zauclo nthuanh, mi kumhmei ganv khou tiguang puni. Nang tuang khouringc khounac, khatni baih baihmei kapaengc khou naimei guay, kai nungc khou laa gutlou khang latdanv tii la tho. Kapaengc khou bammei maansei, khatni khouringh kapwmna ruc khou, nrihthai key puni; kumna kaniw kapwmna theic puni.’ ”

Mbut katunghmei kumcna, Izip kandic kabamv kathuic khou zinlik pat puni; kumna kabamv kathuic khou, hei tei rui suhtakna tipatna, maansei khou ni, khouringh khou ni, asuh tipat puni.” Kumna kaney tei mbut sinna guangh hu khou ding the. Mousi rui hei tei kauh thangc nrou ku tina, hei tei rui suhtakna patna meic nunc khou ni, khouringh khou ni asuh pat the.