Popular Bible Verses from TATPATMEI 7

Share

RINGHPOUC rui Mousi khou sa the, “Ai rui nang ta guangh hu khou rav kumc tiswlou puni; khatni nang chaic Aron rui Pharao khou nang tuang muczwng kumcna sa puni.

Kum e tiki ai rui Pharao lung titanclou puni; ai rui Izip khou charynmei taanv azuh taanclou bam tisini, kamei nang lat laalou ni tu hamh e. Khoutei ai rui Izipmei ruc khou si sihmei dandi tiguang puni. Kumna amei nunc Isaraelmei ta mi kandic khou rui nduangh pat puni.

Ai rui kaniw ruc khou abaanc zay thauna, Isaraelmei nunc ta kaniw kandic khou rui nduangh pat pwkhou na rui, ai hei RINGHPOUC e twmei Izipmei nunc thay puni.”

Khoutei Pharao rui ni katuang ningtyngmei Izipmei parian-para thaymei nunc ta kaw guang the. Kumna kaniw duaic rui hei tei kahak taanc the. Kaniw rui kaniw tuang builwang kandih khou phaic key pwkhou, hei tei nrui guanh the. Tiki Aron tuang builwang rui kaniw tuang builwang guay tei aluakc kan the.

Guanghle, RINGHPOUC kamei thow cho twmei kamei rui taanclou pw nimei taanv khou rui how puni twna RINGHPOUC rui sa e. Zauclo, mi builwang hei rui, ai rui dui ti hei bai puni; kum pwkhou dui hei zei guanh puni.

“Guangh rui nangney ta charynmei taanv taanc lyan o twna sa pw e thei, Aron ta katuang builwang Pharao hu khou phaic key khang sa tio. Kum e thei, hei tei nrui guanh puni.” Kumna Mousi lev Aron tei Pharao daeng khou guangna, RINGHPOUC rui latdanv tiimei tei kumcna taanc the. Aron rui katuang builwang Pharao khatni katuang meicdaihmei guay hu khou phaic key the; kumna hei tei nrui guanh the.