Popular Bible Verses from 1 PITAR 4

Share

Ramh guayna ruc khou, nangniw khat khat ta nzian ntipna nzian bam o. Kalam thu nzianmei rui paapc heizumei ta gumbinlou e.

Meic kathuicna kakhou kakhou tiiloumei kaipat tei Ravguangc tuang siamruaimei swna meic guayna khang gaeng khang sinsw o.

Chamv dinhmei nunc rui Ravguangc lat tei dinc o; siamruai swmei nunc rui kakhou Ravguangc rui tiiloumei pumtan tei sinswna taanc o. Kumna ramh lam guayna khou Khrista paan rui Ravguangc hym tidaih khang taanc o. Hymdaihmei khatni ngammei hei tingsaeng Jisu Khrista khang e. Amen.

Tiki nangniw Khristamei swpui zaeng rui ryanramei ariw e thei, mi khang tei zak rio; tiki nang ta Khristamei twmei zanc hei kawlou the twna Ravguangc ta thuancku o.

Ramh guayna luailou nimei ganv ana the. Kum thena ntak nrakna huayney bam o.

Nzianmeithiu, nchanvmei tuang ryanra daihmei nangniw khou guangpui ganv khou, hei tei nangniw khou kadath datpui tuang guanglou kumcna ning rio. Mi phaan tei, Khrista tuang hymdaihmei ndauh patpui nungc kiu, nangniw neihlamei rui padik khang, nangniw katuang ryanramei dam lay phungc bam tuang e twna neihla o.

Nangniw neihla neihlana khat khat ta ginkic phaypamcna lungc o.

Hei zaeng rui, Ravguangc rui ningmei thei layna ryanra khaengv bammei nunc hei gaymei taancna kaniw bumaengc, kalatryan suai makmei Damcloumeipu khou nsinlou kan dio.

Khrista tei kapumc khou ryanra khaengv kan the. Hei zaeng rui, nangniw ni mi kumhmei lungning tei phungcna, hei tei rui nangniw tuang ricpwan sw nina the. Kalam thu meic pumc khou ryanra khaengv kanpui mei tei paapc khou bam dat mak khe. Hei zaeng rui, ntaw khou rui thauna, nangniw tuang nai bammei mbaanv panty hei meic pumc rui kahawmei thei layna lungc dat lak nina the; Ravguangc rui ningmei thei layna lungc nina e.

Khrista zanc khou meic nunc rui nangniw ta swzaklou e thei, nangniw sangaymei e; hei tei hymdaihmei Bumaengc, Ravguangc Bumaengc nangniw khou bam tina the.