Popular Bible Verses from 1 KORINMEI 15

Share

Hei zaeng rui, nzianmei chanathiu, ding ntipna kalung makna bam o. Nangniw rui Poubauhmei khang taancloumei guay tei nsa hamh e twmei thayna, Poubauhmei tuang taanv khou nangniw tyn tanh tan bam o.

Tiki aniu Poubauhmei Jisu Khrista paan rui, aniu khang rihngammei tiiloumei Racguangc ta thuancku kho!

Nangniw ta tiguat riu. Simei pam rui kheiliak gaymei swmaan tuang e.

Tiki ai latdiutatmei sw tow bammei hei, Ravguangc zauzian paan e, kumna kamei rui ata zauc nzianloumei hei nsa timaan mak ge. Tabui cho tiki, latdiutatmei baihmei nunc suangc ai taanc ranv mbuna ni taanclou dat the. Mi hei ai rui taanh tu hamh e; akhou tiiloumei Ravguangc zauzian paan rui e.

“He theihmei, nang ngamv tabui thangc tat kan tha? He theihmei nang sat tabui thangc tat kan tha?” twna hyloumei tei guang tangc puni. Theihmei tuang sat thu paapc hei e, paapc pumtan thu Riakdanv hei e.

Zauclo! Ai rui nangniw khou akhou dincloumei nthukpui lat akhat salou puni. Aniu meic guayna theic ni tu hamh e, aniu meic guayna ta tigwanlihlou puni. Nkhamhmei bianggun khwan chu pwkhou mikkhipdak khou kalaic puni. Kalam thu bianggun muan pwkhou theic kanmei nunc tei theic dat lak nimei swna ringcthau puni, kumna aniu ta ni tigwanlihlou puni.

Kalam thu meic gaanv khat zaeng rui theihmei guangmei kumcna, gaanv khat paan rui ringcthau datmei ni guang the. Adam khou meic guayna theihmei kumcna Khrista khou meic guayna ta tiringcthaulou dat puni.

Kalam thu taamc maan nimei hei, taamc maan dat lakmei khou, khatni theic nimei hei theic dat lakmei khou guanlihlou puni.

Kalam thu Ravguangc rui zauczihmei guay ta ngam lana, kaphaypav bangc khou tiniibinlou mak saanv, Khrista guangh swna bam puni. Nkhamh liangmei khou ngamlou nimei zauczihmei kiu thu theihmei hei e.