Popular Bible Verses from ROMNYI 8

Share

Anyiza na pala tsüdi wi la ma tizen ketenthu nu ma kenen wina cikeyathu ssinu kemehaiwa ghena kuliten kesa ithu na chüben.

Kepaghenanye mangla ma nanketizen wina ithu khuthiya nben kesa hi chütiben: tsüna keshü le kahang lela, tangnyilothu le tang wi kekhang kesenthu nyelela kekhangthu lela, nansü kebenwa le ghaketenwa lela, ayyi miwi keben le ayyi cakhu wi keben lela, nu ciwi sahangkechithu tsüdi wi lela mangla ithu Pvüwa Jisu Khrista wina pi ithu ccüca kechi Anyiza nanketizen wina ithu khuthiya nben.

Tsüti ithu na nkhangla keben wi Aghamu na ghola ithu kiqa cüden. Kepaghenanye ithu na khatile khieten khe nchüla keben wi Aghamu na ma ketanla gho ithu kuti wi kaghadhi jüh khishiya nkesa pi ithu ghena Anyiza wi khieden.

Ha tsüdi miwi ithu khatile khi nu? Keujüla Anyiza tsüna ithu wiwa lethu, thowa na ithu matangya mehai nu?

Khilitsü Jisu Khrista wi hang kebenthu kemeshensa nmidha.

Ayyi sajjü kenen kemeshen tsüna keshü, isala Aghamu kenen kemeshen tsüna kahang nu kecca.

Nyele, ithu na ithu nantizen kecüwa wina hathu ha tsüdi miwi khang yadha le!

Hi ithu na nansü ayyi ha wi ketizen kesa ha pi anyankethang pi ithu ccüca ketenwa tsü ghapeya nbenle kesa chütiben.

Isalethu, thowa na Khrista nanketizen wina ithu khuthiya mehai nu? Agükeccü, ketizen kesa, kemeten- kemesha, kaghama, kahhatu, kemessi, nyelela keshü na tsüti saya mehai kwe?

Nu Anyiza na ithu leben muben, Aghamu kemeshen tsü mangwa khe chüben; kepaghenanye Aghamu na ma kenen wina nu ma nyithu kuti wina Anyiza wi khieden.

Anyiza Ghamu lenketsütson wi hang ketenthu tsüdila Anyiza tsangathu.

Kepaghenanye ayyi sajjü kenen wi hang ketenthu na mathu leben wi ayyi sajjü kenenwa tsü meshenden, isala Aghamu kenen wi hang ketenthu na mathu leben wi Aghamu kenenwa tsü meshenden.

Anyiza na ma Tsa ntsawa tsü ccüla ntepaghala pi ithu tsüdi ghena khuchidha le! Ma ma Tsawa ccüla khuchi lethu, ma pala tsüdila ithu ghena kekila wi khuchi cü nben kwe?

Anyiza Ghamu na ma ketanla ithu ghamu gweghe nu ithu na Anyiza tsangathu le khishi thsüden. Ithu na ma tsangathu saya kesalina ithu na ma kemihhi pi ma nyithu ghena kiden ketheng tsü ghong yaden, nu ithu Anyiza na pi Khrista ghena kethengwa tsü la ma gweghe ghong yaden; kepaghenanye ithu na Khrista gweghe ketizen kesa ghena ma nyankethang wi la ma gweghe yaben.

Tsalina ayyi sajjü kenen kemeshen wi hang keten nyi tsüna Anyiza ghinyi kesü; kepaghenanye ma Anyiza yenwa tsü nie nten, nu ma ntsakhiwa tsü nieya nben.

Ayyi ha wi sahangkechithu mabenla Anyiza na ma tsangathu pi ccücachi keten tsü nmvuthi hieben.

Kepaghenanye nansü kecu ayyi wi sahangkechithu tsüdila nza kepvügha wi kinaa ti ghadhi nu hieben.