Popular Bible Verses from MATHI 6

Share

Ai hagun we Sunggigü keda kethyü lo a-kentsen fü terilo, tsonlo yatselo tha tsüdan aphu pe hagun tsü tsinshü ti.

Tsügenyu senduki phin rüchün pe hagun nyun kenjün thyü nya; kechamvule sendukinyu senduki phin rüchünlo gwa kethyü genyu. Khenyütsen genyu tsünyü phin rüchün mvulo keshvu kho le bin kü.

“Tsügenyu ale hagun ka zoshü ti, hagun keyhun rüla, ketyüketsü, nmvue hagun min genyu phinya, hidan rüchün pe hagun nyun kenjün thyü nya. N keyhun le nchvü nyeki gwakvu, lo nmin le nphinya nyeki gwakvu mvu ole?

Ai nle hi kethyü ka, yügü nkanyu tsen ki kakhin pvüo kekebu ki kebin n Pvü ka hi lonye, tsonlo yatselo kekebu ki hyu kehü n pvü le nchün thyü pe ntsü ti.

Tsügenyu hagun hihontse hilo nye: ‘Tsangge kebin agun Pvü: Nzan kenshüngü thyülo; N keda no ryü kelogü thyülo; tsangge hontse kazü hiko pe nkendo thyülo.

Nthu agun chvü pe agun tsüshü.

Agun le me kemu jüshü kehü hontse, agun kemu jüshü ta.

Lo agun no kesemen nyu yüla nya, ai kesemen nyu agun kenishü ta.’

“Hagun le me kemu jüpe me tsülo, tsangge kebin hagun Pvü ko hagun kemu jüpe hagun tsüti.

Tegü rüla rüchün shwi; tsüdan le ntsi shü hümvu, nmvue gvüe hümvu, ai tsangge kebin hagun Pvü le tsüdan gin-e thyü hünyo. Hagun le tsüdan nyeki gwakvu mvu ole?

“Shyebün nyun lo mokegwün no tyü pe ndila lokegwa lo kerühu nyue no rhen yügü rühulo kegwa kazü nyu hagun kenya kequen nya chi. Tson kethyügü mvule shyebün nyun lo mokegwün no tyü kemhenlo keho lo kerühu nyu no durhen yügü rühulo keho tsangge hagun kenya kequenlo nye. Kechamvule nkenya kebin bin ki nyun-e tsüki bin kehü genyu.

“Mego thyü kehünyu temi nme le mihvu go thyü kerhün loshvu; tsonyatselo a-le nme shwinyü mvu, lo nme shwi pe a-kenyü lati; nmvue nme kipon bin tinlao kechagü ntsüla ti. Hagun Sunggigü lo Mammon au go thyü kerhün loshvu.

Ai low nyu nthu yhun bin-o senduki phü pe mah nyu shüla nrün tehen dan-e Sunggigü le tsüdan nthyüshü hünyo, hire, hagun ketenyen kerho ju, a-le tsünyeki hagun phin rüchün kvu mvuti ole?

Ai nwe thaho keshü ka nben njüzin pe keshü gü ngwazin no sha nya. Tson-o nle thaho keshü no kebulo; tsonlo yatselo kekebu ki hyu kehü npvü le nchün thyü pe ntsü ti.

“Temi no hyu titseo temi mhundyü ka hagun tho kegwa thyü mvulo nrün genyu petsü lo nye; kemvu we tsangge kebin hagun Pvü ki hagun chün nme-e hyulo ho.

“Tsüntimvule hagun le tyütsü mvuo nyen kethyü ka kerokon kehün nyu hontse, hagun mhu nsu bin nya; tsüdan we me no anyugun kenyen hyu nyüo anyugun mhu gwamvu sa bin hünyo. Ale hagun ka zo tsentsüshü ti, tsüdan we anyugun chün hyulo laso. Ai nwe nyen kethyü ka terzü pe npe yünlo, lo nmhue süla. Tson-o nkenyen me no hyu nya, ai kekebu ki kehü n Pvü no hyulo; tsonlo yatselo kekebu ki hyu kehü gü n Pvü le nchün thyü pe ntsü ti.