Popular Bible Verses from EZEKIEL 37

Share

A-le zo, “Thyüru dan ka sidyü zoshü. Thyüru kesin hidan no Npugü jo nyülo tse shülo. Anyugun ka Aphu sokekvu Npugü, ale anyugun ka zobin letse zolo: Ale teshe hen pe hagun ge shüo hagun no rhünni loti.

Ale yhen lo tsi pe hagun tsüo gi pe je shüti. Ale kehen teshe pe hagun ge shüo hagun no rhün loti. Tsüsiki hagun le ale Npugü letse sha lati.”

A-le aka zo, “Silakehü temi gü, thyüru hidan le rhün nilo gwale.” Ale a-kenishü, “Aphu sokekvu Npugü, n npvü tsü zolo gwa le!”

Ale Npugü le kehü kekvu le age ryü, lo a-kapu gü le a zen-o kazü ketejon nme thyüru le sü kebin bin nyu shü. A-le a zen-o kazü ketejon aphu hun shü, lo ale tsünyu thyüru kechon le bin-o hyulo tsü dan le sinteron.

Tsügenyu a-le aka zokeshü hontse sidyüjo zoshü. Ale jo zo ketseka, tha khwen tse, tson-o thyüru dan le nnu sen-o keren kü lola. Ale nribin nsen yhen, tsi le thyüru dan jelo lo tsüsika gi le ryü. Ai min dan ge kehen teshe ndi.