Tsangkeben jon kekhin dan ki tsü tha thyü rüsa kethyü gwünkho le gunryü ti tse kethyü jo hi sha bin lo nye. Tsükitsü temi le a-npvü a-jün kegwa kefü, pisa ketepen, ketekho, kemakin, metsin, a-pepvünyu khwen nyü kemvu, me rühvu kemvu, nshün kemvu; meso njün kemvu, keso nyun pvü kemvu, me zo nshvu kethyü, yhun nshün kemvu, a-jvü gwamvu sa kethyü, kegwa shwinyü kemvu, kekhünkekho kethyü, me jo zen nyü hü kemvu, a-npvü a-rüchün ngwao ketekho kethyü, lo Sunggigü so kethyü nyeki anyugun npvü anyugun kenyü yhüdyü thyünyü kethyü le soryü ti. Tegwenki we temi ketsin nyu hontse, ai a-kekvu gü sha mvula ti. Temi tson kehünyu nrhilo nye.