Popular Bible Verses from ROMETE 8

Share

Pathian a-it mite, Ama'n aseh bang a asapte a ding in, ahoihna ding un thil bangkim asemkhawm chih i thei hi.

Sihna hiam, hinna hiam, angelte hiam, thupinate hiam, thil omlelte leh thil hong om dingte hiam thilhihtheihna leh, sanna, thukna leh thilsiam dangte himhim in leng, i Toupa Khrist Jesu a om Pathian itna a kipan hon khen thei kei ding chih diktak in ka theichian hi.

Huai bang in, Kha in i hatlouhna ah hon huh zel a; bangchi a thum ding ahia chih i thei ngal kei ua; himahleh Kha in mauna gen vual louh in hon thumsak zel hi.

Huai thu ah bang i genta dia le? Pathian ei lam a apanleh kua'n ahia hon zou thei ding?

Huaiziak in tu'n ah zaw Khrist Jesu a omte a ding in siam louh tansakna himhim a-omta kei hi.

Sa thilte deih zaw sihna ahi ngal a, Kha thil deih bel hinna leh khamuanna ahi.

Khen lou hial ding, huaite tengteng ah, hon itpa ziak in, vual tungtuangte sang a tungtuangzaw i hi uhi.

Tu lel a thuaknate den chiang a i tung a thupina hihlat a om ding toh tehpih tham in ka sep kei hi.

Khrist itna a kipan kua'n ahia hon khen ding? Gimthuakna in hia, lungngaihna in hia, sawina in hia, taam in hia, vuaktanna in hia, lauhuaina in hia, namsau in hia?

Pathian deihlam bang zel a misiangthoute athumsak zel ziak in, lungtang enpa'n Kha deihlam athei hi.

Pathian Kha pi a om peuhmahte zaw, Pathian tate ahi ngal ua.

Sadan a omte'n salam thilte alunggulh nak ua; Khadan a omte'n bel Khalam thilte alunggulh nak uhi.

Ama Tapa ngei leng hawi lou a, i vek ua ding a pepa'n thil tengteng athawn in ahon pe tawk kei dia hia?

Kha mahmah in, eimah kha toh, Pathian tate i hi chih hon theisak hi. Huan tate i hihleh gouluahpihte i hi uhi; Pathian gouluahte, Khrist luahpihte i hi ua; akiang a pahtawi a i om sam theihna ding a amah i thuakpih taktak nakleh.

Sa deihdan zaw Pathian douna ahih ziak in, huai Pathian dan in a-om ngal kei a, om leng a-om thei kei him ahi.

Thilsiam tengteng in, lamen mahmah in, Pathian tate hong latna angaklah mahmah uhi.

Thilsiam tengteng tutan in thum leh nauvei nat thuak in a-om uh chih i thei ngal ua.