Popular Bible Verses from GENESIS 49

Share

Judah a kipan lalchiang amang kei ding, vaihawmpa chiang akhekal a kipan amang kei ding. Shiloh ahong pai mateng; mite'n ama thu amang ding uhi.

“Joseph hiang gah nuamtak ahi, tuikhuk kiang a hiang gah nuamtak; ahiang nawnsawnte'n baang atuam uhi. Thalkap mite'n nakpitak in amah ahihgenthei ua, akap ua, asimmoh uhi.

Himahleh, amah thalpeu khauhtak in a-om gige a, abanthate Jakob' Pathian Mihatpa hatsak; belamchingmi, Israel suangpi a pan ahi. Na pa Pathian, nang hon panpih dingpa, Bangkim hihtheipa, tunglam van vualzawlnate, nuailam a om gige tui thuktak vualzawlnate, nawite leh sul vualzawlnate, nangmah hon vualzawl dingpa ngei hihhat in na om hi.

“Judah, nang na unaute'n ahon phat ding uh. Na doute ngawng ah na khut na nga ding a; na ma ah na tapate akun ding uh. Judah humpinelkai nou ahi. Ka tapa, na sa keih na paitouhsanta. Na kun a, humpinelkai bang in na bok a, humpinelkainu bang in na kualsuk hi. Kua'n ahia hon thousak ngam ding?

“Reuben, nang ka tapa masa, ka thilhihtheihna, ka hatna gah masapen na hi. Sanpenna leh thuneihpenna nang a ahi. Himahleh tui bang a kip lou na hi, tungnunpenna na nei kei ding; na pa lupnapi a na kal ziak in. Huai ah ka lupna a kal in na hihbuah hi.