Popular Bible Verses from 2 THESSALONIKATE 2

Share

Kuamah in bangmah in hon khem kei uhen; puksanna tak ahong tun masak phot a, khelhna mipa, mangthang tapa ngei ahong kilat keileh huai ni tung lou ding ahi.

Unau Toupa ngaihtakte aw, Kha hihsiangthou leh thutak gingta a hotdam a om ding in atung a kipan Pathian in nou ahon tel ziak in na tungthu uah zaw Pathian kiang ah kipahthu gen zel ding him ka hi uhi.

Ama'n Pathian kichi peuhmahte leh biak a om peuhmahte kalh in, amah leh amah kitawisang in Pathian tempul ah atu dia, Pathian in amah leh amah akibawl ding hi.

Huchi in i Toupa Jesu Khrist mahmah leh Pathian i Pa, eite hon itpa leh hehpihna ziak a tangtawn a khamuanna leh lametna hoih hon pepa'n, na lungtangte uh hihkhamuang in, thil hoih hih leh thugen chiteng ah hon hihkip hen.

Huaiziak in zuauthu agintakna ding un, Pathian in diklouhna nasep akiang uah ahon sawl ding hi

Huai dan a talekpa ahong paina Setan sepdan bang zel in, thilhihtheihna chiteng, chiamtehna chiteng, zuau thillamdang chiteng toh, mangthang lelte ding in khemna gilou chiteng toh ahi ding; hotdam a a-omtheihna ding ua thutak itna apom louh ziak un.

Dan lou a omna thuguk in tu in leng asem lellel ngal a, himahleh lakmang a a-om masiah tua akhampa'n huchibang in akham ding hi.