Popular Bible Verses from EPHESOS 6

Share

Naba ngim ïaleh pyrshah ïa ki briew hynrei pyrshah ïa ki bor bymman ba kynja mynsiem ha ka pyrthei ba kynja bneng, ki nongsynshar, ki bor synshar, bad ki bor pyrthei jong kane ka juk ba-dum.

To leh ïa kane baroh ha ka jingduwai, da kaba kyrpad ïa ka jingïarap jong U Blei. Duwai ha ki por baroh, katba U Mynsiem u ïalam. Namar kane ka daw, to sharai bad wat kynran dien; duwai borabor na ka bynta ki briew jong U Blei baroh.

To kieng noh ïa ka jingkieng atiar U Blei baroh, khnang ba phi lah ban ïeng pyrshah ïa ki buit thap basniew jong u Soitan.

Kumta to kieng mynta ïa ka jingkieng atiar U Blei! Nangta haba ka sngi basniew ka wan, phin lah ban ïeng ïaleh pyrshah ïa ki bor ïaleh u nongshun; bad hadien ba ka jingïaleh ka la kut, phin dang ïeng skhem ha ka nongrim jong phi.

Ha ki por baroh to bat ïa ka jingngeit kum ka stieh; naba da ka phi lah ban pynlip ïa ki sum bameh ding baroh jong u bymman. Bad to pdiang ïa ka jingpynim kum ka jingïada khlieh, bad ka ktien U Blei kum ka waitlam kaba U Mynsiem u ai ha phi.

Kumta to ïeng ba la pynkhreh, da ka jingshisha kum u panpoh ba la pyndait ha ka syngkai jong phi, da ka hok kum ka jingda shadem jong phi, bad da ka jinglong la kloi ban pynbna ïa ka Khubor Babha ka jingsuk, kum ki juti jong phi.

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

“To burom ïa la u kpa bad ïa la ka kmie,” kaba long ka hukum kaba nyngkong kaba don ka jingkular ha ka: “Khnang ba baroh kan long bha bad phi, bad ba phi lah ban im slem ha ka khyndew.”

Phi ki khun, ka long ka kamram kum kiba ngeit ban kohnguh ïa la ki kmie ki kpa, namar kane ka long kaba phi dei ban leh.