Popular Bible Verses from THUVARHAI 22

Share

Naupang chu a hraw ding lampuia chun inchûktir la, A hung upat hnung khawma chutaka inthawk chu pêt ngai naw nih.

Inngaitlâwmna lâwmman le LALPA ṭîna chu Hausaknahai le inzâkaina le hringna a nih.

Hausakna nasatakhai nêkin hming ṭha hi thlang lem ding a na, Ditsakna ngainatum chu tangka le rângkachak nêka thlang lem ding a nih.

Mi lunginsen hmang chu ruolah siem naw la, Mi nunsie le chun in inkawp ding a ni nawh.

Mi tiktlâi chu malsâwmin um a tih, Mi pase kuomah a bei chu a pêk sih a.

Mi var chun thil suol chu a hmuh a, ân bih a, Mi mâwl ruok chu a fe pei a, a tuor pha hlak.

Mi hausa chun mi pase chunga chun ro a rêl a, Thil pûktu chu ân pûktirtu siehlaw a nih.

Mi hausa le mi pasie chu an intuok a, An rênga anni siemtu chu LALPA a nih.

Pasie chu a pasiet leiin lâkpêk naw la, Dâikawtkhâra sawisaka umhai chu nêksâwr bawk naw rawh. An chungthu chu LALPA chun a ṭan ding a ni sih a, Anni suksetuhai hringna chu sukse vêng a tih.