Popular Bible Verses from NAMBAR 22

Share

Chuongchun, LALPAIN sabeng- tung chu ân ṭawngtir a. Balaam kuoma chun, “Ieng am ka law che a, hienga vawi thum zet mi vaw am i na?” a ta.

Chun, LALPAIN Balaam mit chu a sukvarpêk a, chuongchun, LALPA vântirko kâwlhnâm chawia lampuia ngîr chu a hmu tah a, a kûn a, a hmaia hnuoi sikin a bawkkhup a.

Chun, LALPA vântirko chun a kuomah, “Iengdinga hienga vawi thum rau i sabengtung i vuok am? Ngai ta, i thaw dân chu ka mithmua hin sietna a ni leiin lo dang ding chein ka hung suok a nih

Sabengtung chun Balaam kuoma chun, “Tu chena i chuong rawpna i sabengtung ka ni an naw am a nih? Hieng ang hin ka thaw hlak luo che am a nih?” a ta. Ama chun, “Thaw ngai lo e,” a ta.

Balaam chun sabengtung kuoma chun, “I mi suknawmna leiin a nih; kâwlhnâm lem chu chawi lang chu sukhlum hiel tâng ka ti che,” a ta.

Chun, sabengtung chun LALPA vântirko chu a hmuh a, Balaam chu a bawkpui tah a; chuongchun, Balaam a lung chu a hung sen tah a, a hmawlin sabengtung chu a vuok a.