Popular Bible Verses from ISAI 65

Share

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

Ngai ta u, vân tharhai le hnuoi thar ka siem a ni hi; kha hmaa thilhai chu hriet zingin um ta naw nih a; lungrila khawm lût ta bawk naw ni.

A thlâwnin sin inrim naw ni hai a, vângduoina el dingin nau nei bawk naw ni hai a, LALPA malsâwm mi thlahai an ni sih a, an nauhai chu an kuomah um zing an tih.

Mi dang umna dingin in bâwl ta naw ni hai a, mi dang fâk dingin grêp huon siem nâwk ta bawk naw ni hai; thing dam sûng nihai ang hin ka mihai dam sûng nihai chu a um ding a ni sih a, ka mi thlanghai chu sâwttak an thawsuok chunga chun an lâwm ding a nih.

Chutaka inthawka suok chu nautê ni sâwt nawtê dam um naw ni hai a, putar a dam sûng nihai tlingtla naw um bawk naw ni hai: naupang chu kum za mi niin a thi ding a ni sih a, mi suol kum za chau dam chu ṭawngsephur a ni ding a nih.

Satene le berâmte chu tla hmunkhat tâng an ta, sakeibaknei chun bâwngchal angin bupâwl fa tâng a tih; pilvut chu rûl bu ni bawk a tih. Ka tlâng inthienga hrim hrim chun sukna ta naw ni hai a, sukse ta bawk naw ni hai, LALPAIN a tih.

Jerusalem chunga chun hlim ka ta, ka mihai chunga khawm lâwm ka tih; a sûnga chun ṭap ri chu hriet ni ta naw nih a, inrûm ri khawm hriet ni ta naw ni;.