Popular Bible Verses from ISAI 45

Share

chun, LALPA, i hminga kotu che, Israelhai Pathien ngei chu ka nih ti i hriet theina dingin inthim laia rohai chu pêng ka ti cheh a, hmun fien- rielhaia sum thuphmanghai khawm chu pêng ka ti che.

“Kei i hmaah fêng ka ta, ân ṭumnawnahai chu sukruol ka tih, dâr kawtkhârhai chu sukse rem rum ka ta, a kalna thîr tluonhai chu suk- bawng ka tih

Kei hi LALPA chu ka na, a dang hrim an um nawh, keima naw chu Pathien hrim hrim an um nawh, mi hre ngai naw la khawm i kâwng khitpêk ka ti che: keima naw chu a dang hrim an um nawh ti nisa suoknaa inthawk le thlangtienga inthawka an hriet theina dingin; kei hi LALPA chu ka na, a dang hrim hrim an um naw a nih.

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi LALPA, chuong thilhai po po thaw hlaktu chu ka nih,” tiin.

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni sih a, a dang hrim hrim an um nawh.

LALPA chun a hriek nâl, Kura, hnamhai chu a hmaa tukdawl ding le, lalhai kâwngkhi chu sûtpêk ding le, a hmaa kawtkhârhai hawng- pêk ding le, kul kawtkhârhai khâr loa inumtirtu ding, a kut changtienga ka ichel kuoma chun hieng ang hin a tih

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok tah a, hung kîr nâwk ta naw nih.

Jakobhai ka siehlawhai le, Israelhai ka ithlanghai lei chun i hmingin ka ko che a nih; mi hre ngai naw la khawm, hming ka sakpêk che a nih.