Popular Bible Verses from ISAI 26

Share

I chunga lungril innghattu chu nang a ring che leiin, lungmuongtaka um dingin vêng i tih.

LALPA chu kumkhuoin ring ro; LALPA JEHOVAA chun kumkhaw lungpui chu a um sih a.

Ka hringna hin zâna chun a ngai cheh a; anih, ka sûnga thlarau um hin zîngkâr chun ka zawng che; i rorêl- nahai chu hnuoiah a um po leh khawvêla umhai chun felna chu an inchûk hlak sih a.

LALPA, nangin inremna mi ruotpêk i ta; nangin kan sin po po khawm i mi thawpêk sih a.

Anih, Aw LALPA, i rorêlna lam- puia chun kan nghâk zing cheh a, kan hringna dit zâwng chu i hming tieng le i hriet zingna tieng hi a nih.

Mi fel lampui chu indikna a na, nang lungril indiktak put chun mi fel lampui chu i sukruol hlak.

Ama chun insângtaka umhai chu a suktlâwm ta sih a, khawpui insângtak chu; chu chu a sie hnuoi a, hnuoi tlung rakin a sie hnuoi a, pilvut tlung rakin a sukthlûk a.

Hnam fel thutak zâwmtu chu a lût theina dingin kul kawtkhârhai chu hawng ro.