Popular Bible Verses from ISAI 11

Share

chun, LALPA thlarau-varna le hriet theina thlarau, remruotna le hrâtna thlarau, hrietna le LALPA ṭina thlarau chu-a chungah fûng a tih. Chuongchun, a lâwmna chu LALPA a ṭinaah nîng a ta, a mita a hmu angin ro rêl naw nih a, a naa a hriet angin kâwk el bawk naw nih a

Jessai a bula inthawkin a dâwn hung suok a ta, a zunga inthawka kak suokhai chu râng a tih

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei loin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

Felna hi a kâwnghrên nîng a ta, ringumna hi a kâwngkhi nîng a tih.

Ka tlâng inthienga hrim hrim chun insuknat um ta naw nih a, insuksiet um bawk ta naw ni; tuihai hin tuisuoriet ân khum zing angin, leihnuoi hi LALPA hrietnain a sip zo vawng ta ding a nih.

Chun, satene chu berâmte leh um hmunkhat tâng an ta, keite chu kelte leh bawk hmunkhat tâng an tih; bâwngte le sakeibaknei vânglai le ran châwmthâuhai chu um hmunkhat tâng an ta; naupangtêin ṭhuoi dup dup a tih.

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.