Popular Bible Verses from HAGGAI 1

Share

Chuleiin, tuhin sipaihai LALPA chun hieng hin a tih, “In lampuihai chu ngaituo ro. In tu ṭeu a, tlâwmte chau in lâk lût a, in fâka chu khawp lêm in nei nawh a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlaw- tu khawm chu ip mawng inâwnga thlâk el dingin a hlaw a nih,” tiin.

Tlâng rama chun hang fe unla, thing hung la unla, in chu bâwl ro; chuongchun, a sûnga chun inhawi tîng ka ta, chawimawiin um bawk ka tih,” LALPA chun a tih. “Tamtak chu in zawng hlak a, anachu, tlâwmte a hung ni el hlak; ina in hung lâk lût pha khawmin, ka lo mût hmang el hlak. Ieng leiin am?” Sipaihai LALPA chun a tih. “Ka in hienga sieha um zing siin, mi tin mâni in sengah in tlân hlak leiin.