Popular Bible Verses from INṬANNA 49

Share

Lal hmawl chu Judaa inthawk hin bo naw nih a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

Josef hi kâu ra nuomtak a nih a, Tuikhur kâwla kâu ra nuomtak chu. A kâu nâwksâwnhai chun lung bang ân zâm khum a. Thal kâphai chun ama chu nasatakin an sukrinum a, An kâp a, an suknawmnah a

Nisienlakhawm, ama thalngul chu ngartakin a um zing a, A kut thahai chu sukhrâtin a um a, Jakob Mihrât kut chun, (Chutaka inthawk chun berâm vêngtu, Israel lungpui chu a hung um a.) I pa Pathien nangma ṭhangpuitu dinga, Iengkimthawthei, Chungtienga vân malsâwmnahai, Hnuoitienga bawk zing tui inthûktak malsâwmnahai, Nene le sul malsâwmnaa Nang malsâwmtu ding ngei sukhrâtin a um a.

Juda, nang chu i unauhaiin inpâk an ti che, I kut chu i râlhai rîngah innghat a ta, I pa naupasalhai chu i hmaah kûn an tih. Juda hi sakeibakneite a nih; Ka naupa, i sase chu i hang fesan tah a, A kûn a, sakeibakneichal angin a bawk a, Sakeibakneipui ang bawk siin, tuin am suktho ngam an ta?

Reuben, nang hi ka nau lutîr, Ka thilthawtheina, ka hrâtna ra hmasatak, Insângtakna le thuneitakna neitu i nih. Nisienlakhawm, tui anga det lo i nih a, Chunghnungtakna chu nei naw ti nih, I pa khumpui i kai leiin: Chun, chu chu i sukpawrcheh a, ka zâlnaah i kai kha.