Popular Bible Verses from FESUOKNA 16

Share

Israel thlahai chun an kuomah, “Aigupta rama sa bêlhai leh kan ṭhung a, bei kan dittâwka fa zing khan LALPA kuta chun thi el inlang ni ding bah: hieng mipui po po hi phîngṭâma thi ding elin thlalêrah in mi ṭhuoi lût a ni ta hi,” an tih a. Chun, LALPA chun Mosie kuom- ah, “Ngai rawh, vâna inthawkin in ta dingin bei ka hung insûrtir ding a nih: mipui va fe suok an ta, ka dân an zâwm le an zâwm naw anni ka fie theina dingin ni tin ni khat tlatâwk la khâwm raw hai se.

Israel thla mipui po po chu thlalêra chun Mosie le Aron chunga chun an chier tah a.

Mosie bawk chun, “Zântieng chun sa le zîngtieng chun bei dittâwk fâk ding a pêk pha cheu chun LALPA a nih ti hrieng in tih, a chunga in chiernahai chu LALPA chun a hriet sih a: keini chu ieng am kan nih a? In chierna chu keini chungah ni loin LALPA chungah a ni lem in sawnnaw,” a tih a.

“Israel thlahai chiernahai chu ka hriet a, an kuomah, ‘Zântieng chun sa fâng in ta, zîngtieng chun beia sukkhawp nîng in tih, chun LALPA in Pathien chu ka nih ti hrieng in tih’ ti rawh,” tiin.