Popular Bible Verses from FESUOKNA 10

Share

LALPA chun Mosie kuomah, “Pharao kuomah va lût la, hieng ka inchiknahai hi anni lai ngeia kân entir theina dingin a siehlawhai le ama lungril ngei khawm chu ka sukngar tah a nih; anni lai ngeia inchikna ka thawhai le, Aigupta mihai chu ieng angin am an chungah thil ka thawha ti i naupa le i tupa hrieta ngei khawm i hril theina dingin le; LALPA chu ka ni ngei ti i hriet theina dingin, ti rawh,” a tih a.

LALPA chun Mosie kuomah, “Aigupta ram chunga inthimna, in- maia inmaina khawp hielin inthimna a hung um theina dingin i bân phar rawh,” a tih a. Chun, Mosie chun vân tieng a bân a phar a; chuongchun, ni thum sûng chu Aigupta ram sûng po poa chun inthim sa mup el chu a um tah a; chu ni thum sûng chun tu- khawm an hmuna inthawkin an suok nawh a, inhmu khawm an inhmutuo thei bawk nawh; Israel thlahai po ruok chun an umnahaia chun var an nei seng a.

Chuongchun, Mosie chun Aigupta ram chunga chun a hmawl chu ân let tah a; chun, LALPA chun chu ni sûnnithlak le zânkhawvârin ram chunga chun sak thli ân hrângtir a; chun, zîngtieng a hung ni chun, sak thli chun khâuhai chu a hung lên tah a. Khâuhai chu Aigupta ram po po chunga chun an hung a, Aigupta ram sûng po poa chun an um khup el tah a; a râpthlâk bêk a, anni hma hin anni ang hrim hin khau an la um ngai nawh a, anni hnunga khawm um ngai ta bawk nawng an tih.