Popular Bible Verses from 2 KORINTH 5

Share

Chuleichun, tûkhawm Kristaa a um chun thilsiem thar a hung ni tah a; thil hluihai chu a bo tah a, ngai ta u, a hung thar tah.

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

(hmutheia fe loin, ringnain ei fe lem sih a)

Nisienlakhawm, iengkim Pa- thiena inthawka suok a nih; ama chun Krista leiin ama le inremin a mi siem a, inremna rawngbâwl sin a mi pêk a; khânga, Pathienin Kristaa chun khawvêl hi ama le inremin a siem a, an bawsietnahai chu baw- sietnaa ruot pêk loin, inremna thu a mîn kawltir kha.

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

Chun, a hringhai chu anni ta dinga hring ni ta loa, an thi aia thia thonâwk ta ding chun an hring ta lemna dingin a nih, mi po po aia a thi chu. Chuleichun, tuta chena hin, keini chun tisa tienga chun tûkhawm hre ta naw ning ungah; tisa tiengah Krista chu lo hre ta inlang khawm, tuhin chu kan hriet nâwk ta nawh.

Krista hmangaina chun keini a mi tirlui a nih, hieng ang hin kan ngaituo; mi po po thi aiin mi pakhat a thih a, chuleiin, mi po po chu an thi a nih.