Popular Bible Verses from 1 KORINTH 6

Share

Anleh, in taksa chu in sûnga um Pathien kuoma inthawka in hmu Thlarau Inthieng in a ni ti in hriet naw am a nih? Mâni ta khawm in ni nawh a, mana inchâwk in ni tah in sawnnaw; chuleiin, in taksaa chun Pathien chawimawi ro.

Anleh, mi felnawhai chun Pathien ram hluo naw ni hai ti in hriet naw am a nih? Hlêmin um naw ro; indithmanghai amanih, milim betuhai amanih, uirehai amanih, mihurhai amanih, mawngkawhurhai amanih, inruhmanghai amanih, mi du- âmhai amanih, zu inruihmanghai amanih, inhalhmanghai amanih, hlêpruhaiin amanih Pathien ram hluo naw ni hai.

Indit hi tlânsan ro. Mihriem isuksuol tinrêng hi taksa puotiengah a nih; mi dithmang ruok chun ama taksa chungah a suksuol a nih.

Thil iengkim thaw ka ta dingin a thieng a; nisienlakhawm, thil iengkim thaw a ṭha kher nawh; thil iengkim thaw ka ta dingin a thieng a; nisienlakhawm, ieng thu hnuoia um khawm kân phal nawh.

Pathienin Lalpa chu a keitho a, eini khawm a thilthawtheinain mi keitho vêng a tih.