Popular Bible Verses from 1 KORINTH 15

Share

Chuleichun, ka unau dittakhai, dettakin, sukchâng ruolloin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet sih a.

Nisienlakhawm, ei Lalpa Isu Krista zâra hnena mi petu Pathien kuoma chun lawmthu um raw se.

Hlêmin um naw ro, “Ruol rilo- haiin nungchang ṭha an suk- khawhlo hlak.”

Nisienlakhawm, Pathien lung- insietna leiin ka ni ni ka ni tah; chun, a lunginsietna a mi pêk chu a thlâwnin a um nawh a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw nawh a, Pathien lunginsietna ka kuoma um khan a thaw lem a nih.

“Aw thina, i hnena chu khâwlai am a um tah a? Aw thina, i tûr chu khâwlai am a um tah a?” ti thuziek hi hung tlung tâng a tih. Thina tûr chu suol a na, suol thilthawtheina chu dân thu chu a nih.

Ngai ta u, thurûk ka hril ding cheu a ni hi; ei rêngin in kher nâwm ei nih a, nisienlakhawm, ei rêngin tawtawrâwt nuhnungtak inri pha chun sâwt nawtêa, mitkhap kâr loa sukdanglamin um vawng tâng ei tih; tawtawrâwt chu ân ri ding a ni sih a; chuongchun, mithihai chu hmawn- theiloa keithoin um an ta, eini khawm sukdanglamin um tâng ei tih.

Mihriem leia thina a lo um leiin mihriem lei bawkin mithi thonâwkna a lo um ta bawk a. Adama chun mi po po an thi hlak angin, Kristaa chun mi po po sukhringin um bawk an tih.

Hi hmawnthei hin hmawntheilo a sil ding a na, hi thi thei khawm hin thi theinawna a sil bawk ding a nih.

a hmêlmahai po po a ke hnuoia a sie hmakhat chu ama chu lala um ding hrim a ni sih a. Hmêlma nuhnungtak sukboa um ding chu thina hi a nih.