Popular Bible Verses from ROM 6

Share

Zeitintiah sualman cu thihnâk a si, asinain Pathian thilpêk cu kan Bawipa Jesuh Krih thawngin zungzal nunnâk a si.

Zeitintiah sual nih nan cungah nawl a ngei ti lai lo, zeicatiah nawlbia tangah nan um ti lo i zângfahnâk tangah nan um cang.

Cucaah a thihnâk i baptis kan si tikah a sinah phum in kan um. Pa sunparnâk nih Krih cu thih nâkin a thawhter bangin, kannih zong nunthar in kan nun ve awk a si.

Cun nan taksa ṭengnge hna kha dinlonâk hriamnam caah sual tuahnâk dingah pe siang ti hlah u, thihnâk in a tho ṭhanmi bangin Pathian sinah i pe ulaw, nan pum ṭengnge zong cu dinnâk hriamnam caah Pathian sinah pêk siang deuh u.

Hihi hngal usihlaw, kan minung hlun cu a sinah khenhchih in a um cang, sualpum cu hlawnh i a um nâkhnga le sual sal i kan um ti nâkhnga lo.

Cubangin nannih zong sualah a thi cangmi ah i ruat u law, kan Bawipa Jesuh thawngin Pathian ah a nungmi ah i ruat u.

Zeidah kan chim kun lai? Zângfahnâk cu a tam chih chin nâkhnga kan sual peng ko lai maw? Sualpeng naisai hlah! Kannih sual i a thi cangmi hi zeitindah sualin kan nun khawh lai?

Nawlngai ding sal si awkah nan i pe cang ti kha nan hngal lo maw? Thihnâk ding sual sal ah siseh, nunnâk ding dinnâk sal ah siseh, a nawl nan ngaih hngami sal nan si kha nan hngal lo maw?

Sual sal nan si ko nain khamh nan sinâk kong cawnpiaknâk nan sinah phuanmi kha nan lungthin in nan rak zulh caah Pathian sinah lawmhnâk bia um ko seh. Sualnâk in zalonter nan si cang caah dinnâk sal nan si cang.