Popular Bible Verses from ROM 12

Share

Hi vawlei sining he i pehtlai hlah u, thilṭha le cohlan awktlâk, a tlingmi Pathian duhnâk cu nan hngalhkhawh nâkhnga nan ruahnâk kha tharchuah le thlen in um ko seh.

Cucaah ule nau hna, Pathian zângfahnâk ruangah hin raithawinâk nung le thiang, Pathian cohlan awktlâk si dingin nan pum cu pe dingin kan nawl hna, cucu ruahawk a tlâkmi nan rian cu a si.

ruahchanhnâk ngeiin i lawm ulaw, harnâk lakah inkhawhnâkin, ṭhahnem ngaiin thla cam lengmang ko u.

Sualnâk teiin umhlah, ṭhatnâk in sualnâk kha va tei deuh.

Unau i dawt bangin i daw cio u; mah nâkin midang kha sâng deuh ah chia u.

Dawtnâk cu zernâk tel loin si seh. Thil ṭhalo kha hua hna ulaw, thilṭha kha i tlaih peng u.

A si khawh ahcun nanmah lei kam tal in mi vialte he rualrem tein um u.

Dawtmi hna, teirul i cham hlah u, thinhunnâk caah hmun tu kian u; zeitintiah, “Phuhlam cu Keimah rian a si, Keimah nih ka lehrulh lai, Bawipa nih a ti,” tiah ṭial a si.

Taihmâk leiah daithlang loin, thlarau ah ṭhahnem ngai ulaw, Bawipa kha rian u

Zeitintiah Pathian pekmi zângfahnâk ruangah hin, nan lakah ahohmanh nih mah sinâk cungah i santer loin, Pathian nih mikip sinah zumhnâk a pêkning cio in, felfai tein ruat cio hna seh ti ka duh.

Sual kha sual in lehrul hlah u, mi vialte hmuhnâk i ṭhatnâk kha tuah u.

Ruahnâk hmunkhat in um ulaw, i santer hlah u, dirhmun niammi hna komhkhawh dingin um u. Mah le mah i fimter hlah u.

Cucaah, “Na ral a rawl a ṭam ahcun, ei awk pe; a ti a hal ahcun din awk pe; cubangin na tuah ahcun a lu cungah meiṭil na chonh a si lai.

An serhsattu hna kha thluachuah pe ulaw, chiat serh hna hlah u. Â lawmmi lawmhpi ulaw, a ṭapmi ṭahpi hna u.

mithiang hna chamhbaunâk bawm hna ulaw, khual tlung ṭha tein zohkhenh u.

Taksa pum ah hin nge tampi kan ngei, nge vialte rianṭuan tu cu â lo cio lo, cubangin kannih zong, tampi kan sikonain, Krih ah taksa pumkhat kan si, pakhat cio in a nge kan si dih.