Popular Bible Verses from ROM 1

Share

Krih thawngṭha cu ka zahpi lo, zeitintiah a zummi vialte caah khamhnâk dingah Pathian ṭhawnnâk a si; a hmasa in Judah mi caah a si i Grik mi ca zongah a si.

Zeitintiah cuka ah zumhnâk in zumhnâk lila ah Pathian dinnâk cu langhter a si. “Miding cu zumhnâk in a nung lai,” tiah ṭial a si bangin.

Vawlei ser kain Amah i hmuhkhawh lomi thil kha fiang te i hmuhkhawh in a um i zungzal a ṭhawnnâk le Pathian a sinâk zong sermi thil ah langhter an si, cucaah i silhnalh khawhnâk an ngei lo

zeicatiah Pathian an hngal ko nain, Pathian bangin an thangṭhat duh lo, lawmhnâk bia zong an chim duh lo, pakpalawng a simi tu kha an ruat i a hrutmi an lungthin kha muihnâk in a khat.

Pathian biatak kha lih ah an thlen i Sertu bia loin sermi kha an biak i a rian kha an ṭuanpiak. Sertu kha pei zungzal i thangṭhat awktlâk a si cu. Amen.

Dinlonâk in biatak lamhchihtu le Pathian-zeirellonâk le dinlonâk vialte cungah Pathian thinhunnâk cu van in langhter a si

Hi ruangah a chia-khâmi hornâk lam zul dingin Pathian nih hnulei a chit hna, annu hna hmanhnih an sining kha siloning ah an thlen. Cubantuk ṭhiamṭhiamin pa zong nih nu he ningcang te i hman ding a simi kaltâkin anmah le anmah an i duh i pa le pa sualnâk an tuah i an hmuh awk â tlakmi dântatnâk kha an hmuh. Pathian kong hngalh kha an duh lo i a niammi ruahnâk ngeih awk le tuah awkah â tlak lomi tiang tuah dingin Pathian nih hnulei a chit hna.

An i fimter ngai nain, mihrut ah an cang, a thi kho lomi Pathian sunparnâk cu a thi khomi minung le vanva le, ke pali ngei saram le a paw in a lawnmi saram bantuk ah an thlen.