Popular Bible Verses from BIAPHUAN 6

Share

Ka hun zoh i rang râng kha ka hmuh. A cung i â citmi min cu thihnâk a si, a hnulei in mithi khua nih a rak zulh. An sinah vulei cheuli i cheukhat cungah a vainam le mangṭâm le rai le sahrang rual hna hmangin thahnâk nawl kha pêk an si.

Ka hun zoh i ngaihhmanh rang râng kha ka hmuh. Acung i â citmi nih likuk â ken, amah cu bawiluchin an pêk i teitu si bu i tei thluahmah dingin a kal.

Chinchiahmi panganâk a hun phoih tikah biakṭheng tangah Pathian bia le an hngalh termi kha an i tlaih peng ruangah thahmi thlarau kha ka hmuh hna.

Annih nih awthang ngai in “Maw, Bawipa a thiangmi le a dikmi vawlei mi hna cungah kan thisen an chuahtermi phu hlam loin zeicandah na um lai?” tiah an ti. Cuticun annih cu angkifual a rângmi an pêk cio hna i an sinum hna le an unau hna anmah bantuk i thah ding hna cu an thah dih hna hlan cu hngak rih dingin an chimh hna.

Cun rang dang mei bantuk i a senmi a hung chuak, a cung i â citmi sinah mi thahnâk le vulei daihnâk lakpiaknâk kha an pêk. Cun vainam nganpi zong kha an pêk

Zeitintiah a thinhunnâk ni lianngan cu a phân cang, ahodah a dir kho lai” tiah an ti.

Chinchiahmi paruknâk a phoih lio kha ka zoh i ngaihmanh fakpi in li â hnin i ni cu sahmul puan bangin a nak i thlapa zong thisen bantuk in a um. Cun theipi kung thlichia nih a hranh i a tlai hmadung kha a ṭhilh dih hna bang khin, van in arfi hna cu vulei ah an tla.

Chinchiahmi pathumnâk an phoih tikah thilnung pathumnâk nih “Ra law zoh tuah” tiah a ti kha ka theih. Cuticun ka hun zoh i ngaihmanh rang nak kha ka hmuh, a cungah â citmi nih cuaithlainâk kha â put. Cun thilnung pali chungin aw nih, “Ngamu in changvut cuai khat, cun ngamu in barli changvut cuai thum, chiti le misur hang kha cu hrawk hna hlah” a ti kha ka theih.

Cun van khi cazual bangin tlau lakin â zual i tlang le tikulh hna cu an umnâk hmun in ṭhial an si. Cun vawlei i siangpahrang hna le mingan hna le ralbawi hna le mirum hna le miṭhawng hna le sal le miluat vialte hna cu lungkua le tlang le lungpi karlak hna ah an i thup dih