Popular Bible Verses from BIAPHUAN 16

Share

Ngaihmanh, mifir bangin ka ra lai, timhcia le ralring tein a ummi cu mithluachuak a si, culoahcun taklawng in a um le a mualpho kha an hmuh sual lai.

Cuticun vanmi paruknâk nih a hrai cu Zufareiṭes tivapi cungah a toih, cuticun nichuah lei in siangpahrang hna caah lam kha timhlamh a si nâkhnga ti cu an reu dih.

Zeitintiah cuhna cu khuachia thlarau, hmelchunhnâk a tuahtu, Zeizongtuahkho Pathian ni lianngan i raldohnâk ah pum dingin vawlei cung siangpahrang hna sin i a kalmi kha an si.

Cun nal profet kâ chung le sahrang kâ chung le rulpi kâ chungin utlak bantuk thlarau thûr pathum an rak chuah kha ka hmuh.

Cun mi hna cu a lin ngaimi nih a emh hna, cun cubantuk hremnâk cungah ṭhawnnâk ngeitu Pathian min cu an thangchiat i Amah kha sunparnâk pêk awkah an i ngaihchih hlei lo.

Cuticun a hmaisa bik cu a kal i hrai cu vulei ah a toih; cun fih a nung ngaimi hmachia kha sahrang chinchiahnâk a ngeimi hna le a lem a biami hna cungah a tlung.

Cun Hebru holh in Armageddon timi hmun ah an pumh hna.