Popular Bible Verses from BIAPHUAN 12

Share

Cun annih nih Tuufano thisen le a bia an hngalhternâk thawngin an tei cang, an nunnâk hmanh thih tiangin an daw lo.

Cuticun vanah a thang ngaimi au aw ka theih, “Atu kan Pathian khamhnâk le thazâng le a pennâk le a Krih ṭhawnnâk cu a rak phân cang, kan unau hna sual puhtu, kan Pathian sinah chunzan hlan in sual puhtu cu hlonh a si cang ai.

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.

Cucaah maw, van le a chung i a ummi hna i lawm tuah u! Vulei le rili cungah a ummi hna caah ngaihchia ava si dah! Zeitintiah khuachia nih cân tawite lawng a ngeih kha â hngalh caah, thinhung ngai in nan sinah a rung ṭum.

Cun vanah ral dohnâk a rak um: Mikhael le a vanmi hna nih Rulpi kha an doh. Rulpi le a vanmi hna zong nih an doh ve hna

Cun rulpi cu minu cungah a thin a hung ngaingai a tefa a tangmi, Pathian nawlpêk a zul i Jesuh Krih hngalhternâk bia a ngeitu hna he i doh awkah a pawk.

Cubangin van ah hmelchunhnâk nganpi a lang: nu pakhat nî in â thuammi, a ke tangah thlapa a um i alu cungah arfi hleihnih in an ṭamhmi a rak um. Cuticun nau a pawi i a ngan a fah tukah a ai thluahmah.

Miphun vialte cungah thirfung in biaceihtu ding Naupa a hrin. Cun Naupa cu Pathian le a bawiṭhutdanh sinah lakchoh in a um. Minu tu cu ramcar ah Pathian nih a timhlamh piakmi hmun ah a zâm. Cuka ah ni 1260 chung an cawm lai.

Cun vanah hmelchunhnâk dang a rak lang: Zohhmanh a ngan ngaimi rulpi sen lu pasarih le ki pasarih a ngeimi, a lu ah bawiluchin pasarih chinhmi a rak um; A mei in van i arfi cheuthum cheukhat a hnuh hna i vulei ah a thlâk hna. Cun rulpi cu nu nih nau ngeih awk i a timhlio ah, a hrinmi Ngakchia rak ei cawlh dingin a ngan a fakmi nu hmaiah a dir.

Asinain nu cu amah hmun ramcar i a zuan khawh nâkhnga a nganmi mupi thla pahnih kha an pêk, cu hmun rulpi nih a tongh khawhlonâk hmun ah cân khat le cân hna le cân cânceu chung kha nu cu an cawm lai. Cuticun rulpi nih nu kha a fenh khawh nâkhnga a kâ chungin ti kha tiva nganpi bangin a chuahter. Asinain vulei nih minu kha a rak bomh, cun vulei nih a kâ a ân i rulpi nih a kâ chungin a chuahtermi ti kha a rak dawlh dih.