Popular Bible Verses from PHUNGTHLÛKBIA 13

Share

Mifim hna nunin a nungmi cu an fim lai i mihrut komhtu cu hrawh an si lai.

A lei ṭha tein a kilvengtu nih a nunnâk a kilven, asinain kau piin a kâ a âng mi nih rawhralnâk a tong lai.

Fung a hmang duh lomi nih a fa a huat a si, asinain a dawtu nih a chimhhrin tawn.

Hngahmi hmuhzau lonâk nih lung a zawtter, asinain duhmi phâk cu nunnâk thingkung a si.

Sawi awk umlo in a nungmi hna cu dinnâk nih a kilven hna, asinain suahsualnâk nih misual kha a hlawnh tawn.

Diklo ngai i chawva lak cu a lo zau ko lai, asinain ba ngai i ṭuannâk in hmuhmi cu a karh lai.

Ruamkainâk nih sikṭhiatnâk dah ti lo zeidang a chuahter lo, asinain ruahnâk ṭha cheuhmi lâk hi fimnâk a si.

Miṭha nih a tu le ca tiangin ro a chiah hna, asinain misual hna chawva cu miding hna caah pumh a si tawn.

Fapa fim nih a pa cawnpiaknâk biapi ah a ruah, asinain zomhtaih a hmangmi nih chimhhrinnâk ngaih a duh lo.

Palhmi-remhnâk zeiah a rel lomi cungah chamhbaunâk le ningzahnâk a phân lai, asinain chimhhrinnâk biapi i a ruatmi cu upat a si lai.