Popular Bible Verses from FILIPI 2

Share

Mahzawn lawng ruahnâk le, puarthaunâk in zeihmanh tuah hlah u, toidornâk lungput he mah nâkin midang ṭhadeuh ah ruat cio hna seh. Mah lungtluknâk lawng zoh loin midang lungtluknâk zong zoh seh.

Hi lungput Krih Jesuh zong i a ummi kha nanmah zongah um ve seh.

Amah cu Pathian sinâk ngeitu asinain, Pathian tluk i um kha hranhrâm in cuh awkah a ruat lo, Amah le Amah i lawn terin, ṭemmi-sal dirhmun kha â lak i minung bantukah â cang. Minung bangin hmuh a si i Amah le Amah i niam terin vailam cung i thih tiangin nawl a ngai.

zeitintiah Amah lawmhnâk le duhnâk bangin nanmah ah a ṭuntu cu Pathian a si.

Cucaah Pathian zong nih sâng ngaiin a cawi i min vialte lakah min cungnung bik kha a pêk. Cuticun Jesuh minin mi kip, vancungmi le, vawleimi le, vawlei tangmi vialte an khuk an bil lai i lei vialte nih Pa Pathian sunparnâk dingah Jesuh Krih cu Bawi a si, tiin an phuan lai.

Phunzai lo le elhnial loin zei thil pauh hi tuah u, â merhmi le â ngerhngawimi chan ah hin, Pathian fa, palhnâk ngei lo, fahnâk pe lo le, sawi awk um loin vawlei ah ceunâk bangin nan ceu lai

Cucaah ka dawt le hna, nawl nan ngaih tawn bangkhan, ka um lio lawngah si loin, atu ka um lo zongah ngai chin chinin ṭih le ther buin khamh nansinâk kha chuak lakin ṭuan ve u