Popular Bible Verses from EFESA 5

Share

Cucaah a fa dawtmi bangin Pathian â zohchunhtu si ko u. Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

Cu thil hna cu zoh in mihrut bang i um loin mifim bangin ralring tein um u. Cân chia i kan um caah, cân ṭha nan hmuhmi ṭha tein hmang u.

Cun misur hang ri hlah u, cucu lohtlau tertu a si, Thlarau tu in khat deuh u. Biazâi le hla in, thlarau lei hla hna he pakhat le pakhat i chawnbia u law, hlasak pah in Bawipa cu nan lungthin ah ring-awn tum piak u. Kan Bawipa Jesuh Krih min in Pa Pathian sinah zeizong vialte ah lawmhnâk bia chim u.

Cucaah mihrut bangin um hlah u, Bawipa duhnâk zeidah a si ti kha hngalh u.

Va le hna nan nupi le daw hna u. Krih nih kawhhran a dawt i an ca-ah â pêk bantuk khan

Zeitintiah hlanah khuamui nan rak si nain atu cu Bawipa ah khuaceu nan si. Cucaah khuaceu fale bantukin nung u

Pathian ṭihzahbu tein pakhat le pakhat i hmaizah u.

Nupi le hna Bawipa nan ṭihzah bantukin, nan va le ṭihzah hna u.

Zeiasihmanhah, mi zei pauh nih amah â dawt bangin a nupi daw sehlaw, nupi zong nih a va upat seh.

“Hiruangah hin pa nih anu le apa a kaltâk in a nupi he an i pehtlai lai i an pahnih in taksa pumkhat an si cang lai.”

Cun khuamui rianṭuan theitlai a ngei lomi sinah i tel hlah u, a dik lo ning tu langhter u.