Popular Bible Verses from Mmebusɛm 6

Share

Adeɛ nsia yi na AWURADE tane, aane, na adeɛ nson na ɛyɛ ne kra akyiwadeɛ, ani a ɛtra ntɔn, atorɔ tɛkyerɛma, ne nsa a ɛhwie mogya a ɛdi bem guo; akoma a ɛdwene mmusuo adwene, nan a ɛyɛ herɛ tu mmirika kɔ bɔne mu; ɔdansekurumfoɔ a ɔhu atorosɛm, ne deɛ ɔhyɛ anuanom ntam takrawɔgyam.

Ɔkwadwofoɔ, kɔ tɛtea nkyɛn, hwɛ n’akwan, na hunu nyansa.

Nna kakra, nkotɔ kakra, nsa a mɛpono mada kakra. Ɛnna wo hia bɛto wo sɛ ɔkwanmukafoɔ, ne w’ahokyere sɛ ɛkyɛmkurafoɔ.

Me ba, bu w’agya mmara nsɛm, na nto wo na nkyerɛkyerɛ ntwene. Fa kyekyere w’akoma ho daa nyinaa, na fa bebare wo kɔn ho hyia.